Kryeministri Edi Rama sulmoi Presidentin Ilir Meta dhe Avokaten e Popullit lidhur me qëndrimet dhe reagimet e tyre ndaj paketës anti-KÇK.
Rama tha se vija ndarëse mes të shkuarës dhe të ardhmes po bëhet gjithmonë e më e pafshishme me gomë, sikundër ka ndodhur deri më sot.
“I ashtëquajturi President i qan hallin krimit dhe sulmon ministren e Drejtësisë. Anti-KÇK është vija ndarëse mes shtetit dhe krimit.
“Meta ka arsye të jetojë momentin “o sot o kurrë”, por sot vija ndarëse mes të shkuarës dhe të ardhmes nuk do të fshihet më.
Opinioni publik e mbështet 72 % anti-KÇK, por jam ende i pakënaqur me këtë shifër, e cila do të rritet edhe më tej kur të largohet mjegulla nga sytë e njerëzve.
Disave po u vjen dita që të përballen me të shkuarën e tyre përballë një prokurori apo gjykatësi të pavarur”, tha Rama.
Në vijim të akuzave ndaj Metës, Kryeministri tha se ai që është në krye të piramidës kërkon revolucion.
“Anti-KÇK është kundër krimit me kostum, ndërsa është ngritur koalicioni për t’a mbrojtur. Ne nuk kemi bërë më të mirën, kemi plot gabime, por opozita është palidhje, është objekt fluturues, secili fluturon për hesap të vetë, njëri bie në gjunjë, është pa lidhje fare”, tha Rama.
Pjesë nga akuzat e Ramës
Anti-KÇK-ja është fytyra jonë, pamja e qeverisë tonë. Është kundër horrave me kostum. Anti-KÇK-ja po bëhet për ato nëna që kanë parë vajzat e tyre të përdhunuar. Për ata fëmijë jetimë sepse baballarët ua kanë vrarë.
Unë nuk jam i befasuar nga gjithë përkrahja e befasishme që ka gjetur as më shumë e as më pak, elita e tejskajshme. Për këta të shkretët që sa kanë vrarë e kanë përdhunuar, e kanë vjedhur. Dhe sot këta të shkretët po na dhunohen. Po turp nuk iu vjen këtyre njerëzve që kanë një mikrofon dhe kanë mundësinë të dalin në ekran dhe jeni bërë karvan qorrash.
Nga Presidenti e deri tek Avokati i Popullit u dalin në krah kriminelëve. Janë gjynah, duhen marrë në mbrojtje sepse kërcënohen nga qeveria, nga ministria e drejtësië. E dini ju çfarë është 41 bis? Është regjimi i izolimit të kriminelëve mafiozë që sollën telashe të mëdha.
Ndërkohë mbrohen demonët, ata që janë të dhunaur, të dënuar nga Gjykata jo të dyshuar nga Policia. Dhe jut ë gjithë nuk dini çfarë flisni. E kam me të gjithë ata që flasin me këtë punë, kur flasin për shtet policor, janë të dënuar, jo të dyshuar.
Nga vijnë këto pasuri? Si mundët që të arrihet në këtë absurd, që të konsiderohet kapje e shtetit, fakti që akti normative, ligji social i imponon ministrit të Brendshëm që të ulet në tryezën e bashkërendimit të gjithë këtij operacioni.
Italia e zbythi mafien ekzaktësisht në të njëjtën mënyrë, këtu në 2020 cohen autoritetet publike e shtetërore si ai që rri në majë të piramidës e kërkon revolucione e ta konsiderojnë mëkat të qeverisë, një mëkat aq të madh sa jepet si prova kuptimplotë e përfundimtare e nevojës për ta shporrur këtë qeveri.
Po ashtu është në fakt, se të gjithë këta, unë s’mund të them se zotrote që fole përpara je i motivuar për të njëjtat arsye, jo se s’të njoh nga vjen por s’të kam parë asnjëherë të shfaqur në ndonjë lidhje direkte apo indirekte me këto subjekte, por shumë të tjerë kanë shumë arsye ta shojhin këtë si o sot o kurrë.
Ilir Meta ka të gjitha arsyet që sot të jetojë në një moment si “o sot o kurrë”.
Se sot vija ndarëse mes të shkuarës e të ardhmes po bëhet gjithmonë e më e pafshishme me pazaret politike kur vjen puna te drejtësia.
Se sot gjykatës e prokurorë s’janë më garancia sic kanë qenë për 30 vjet, por janë gjithmonë e më shumë në hallin e tyre, sot është marrë një vendim ekstrem për ti dhënë një dërmë përfundimtare krimit të organizuar.
Doni apo s’doni ju të gjithë sa jeni, krimin e organizuar do e fusim brenda perimetrit të vet.
