Gazetari Klajdi Bodlli ka reaguar ndaj deklaratave të bëra nga ish-ministri i Brendshëm Fatmir Xhafaj lidhur me atë që njihet si dosja “Geron Xhafaj”, që është vëllai i deputetit socialist.
“Kur përndjekësi flet për përndjekje!”, ironizon Bodlli në një postim në rrjetet sociale, ish-ministrin Xhafaj, duke sjellë në vëmendje rastet kur sipas tij, ai përndiqte njerëzit që nga koha kur ishte hetues i kohës së komunizmit.
Në vijim gazetari shkruan se Xhafaj që flet për përndjekjet nuk la drejtor Lojërash Fati pa përndjekur.
“Fatmir Xhafaj përndoqi dhe përgjoi shokët! Fatmir Xhafaj po përndjek Ministrinë e Drejtësisë!
Fatmir Xhafaj po përndjek Reformën në Drejtësi! Fatmir Xhafaj që përndiqte gazetarët, policët, prokurorët, gjykatësit!
Ky që përndjek zyrat përmbarimore, na fliska për përndjekje!
Sa për çlirimin e shpirtit të këtij, vështirë t’ia pranojë zoti me mëkatet që ka bërë, se burgu jo e jo!”, shkruan Bodlli.
