Një efektiv i Forcave të Ndërhyrjes së Shpejtë ka ndërruar jetë pas përplasjes me armë mes policisë dhe një të sëmuri mendor. Ngjarja ka ndodhur në fshatin Torovicë të Lezhës.
Efektivi i policisë, Ardian Kodra, 50 vjec u qëllua me armë teksa ishte në aksion për kapjen e një personi që qëllonte me armë duke terrorizuar fshatin.
Fillimisht kanë qenë banorët e zonës që kanë njoftuar se shtetasi David Qosja po qëllonte me armë zjarri në ajër. Policia dhe Forcat e Ndërhyrjes së Shpejtë kanë ndërhyrë për ta neutralizuar.
Por ai është mbyllur në banesën e tij dhe ka qëlluar në drejtim të policisë. Plumbat kanë goditur një efektiv të FNSH-së, i cili ka mbetur i plagosur fillimisht në gjendje të rëndë dhe më pas ndërroi jetë rrugës për në spital.
David Qosja, njihet në zonë si person me probleme mendore, por nuk ka asgjë të vërtetuar me dokumente nga spitali. Operacioni i policisë është ende në zhvillim për kapjen e tij.
(Foto, viktima efektivi Ardian Kodra)
