Disa ditë më parë u raportua se një futbollist i cili luan me Pianesen në Serinë C, ishte i prekur nga Coronavirusi.
Siç raportonin mediat italiane, futbollisti tani gëzon shëndet të plotë dhe se e kishte kaluar sëmundjen në pak ditë.
Ndërsa sot klubi i Pianeses ka dalë me një deklaratë, duke theksuar se edhe tre lojtarë të tjerë të klubit janë testuar pozitivë me koronavirus.
“Për momentin janë tre të infektuar, tre lojtarë dhe një zyrtar i klubit,” shkruan klubi nga Sienna në një deklaratë për shtyp.
“I pari është një lojtar i ri i cili ka pasur temperaturë dhe dhimbje koke të shtunën, kur ekipi ishte jashtë fushe për t’u ndeshur me Alessandria në ndeshjen e kampionatit”.
“Lojtari i dytë është izoluar në shtëpi, teksa nuk po shfaq më asnjë simptomë, ndërsa i treti ka pak temperaturë”.
“Personi katërt që është testuar pozitiv është një zyrtar i klubit, ai ka qenë me temperaturë gjatë natës, është transportuar me ambulancë në një spital të Sienës.
