Pas humbjes së thellë 5-1 kundër Tiranës, tifozeria “Ultras Guerrils” e Partizanit ka reaguar në rrjetet sociale kundër drejtorit të klubit, Olsi Rama.
Në shkrimin e tyre thuhet që vitin e kaluar kur skuadra u shpall kampione e Superligës, të gjitha meritat i mori pikërisht Olsi Rama, ndërsa sipas tyre sot kur klubi ndodhet në momente të vështira i njëjti person duhet të marrë përgjegjësitë që i takojnë.
“Në vitin e titullit kampion doje çdo meritë për vete, duke ia hequr ato profesor Gegës, që na nxori kampion. Nuk lë studio, gazetë, televizor pa dalë, të gjithë donin të flisnin për ty. Sepse, sa vlen ti realisht si drejtor e pamë këtë sezon, me skadencat që solle në ekip dhe me ata që more rrotull. Vetëm një amator si ti mund të shkatërronte ekipin kampion për qokën e ditëlindjes… Dil në televizor dhe merr përgjegjësitë, o drejtor i VAR-it”.
