Këngëtarja e njohur Besa Kokëdhima është shqetësuar, dhe jo pa të drejtë, për lajmet që po shohim e dëgjojmë kohëve të fundit. Burrat vrasin gratë, kjo gjë është shumë shqetësuese për të gjithë qytetarët. Nuk ka asnjë arsye, asnjë justifikim dhe asgjë tjetër në këtë botë që një burrë të vrasë gruan e vet, bashkëjetuesen dhe nënën e fëmijëve të tij.
Besa nëpërmjet postime të vazhdueshme në Instagram ka reaguar e acaruar ndaj këtyre lajmeve dhe ngjarjeve që po ndodhin në vendin tonë.
“Vetëm një burracak dhunon! Vetëm një krijesë monstruoze vret një qenie më të dobët, vetëm një pashpirt vret nënë e fëmijëve të vet.” – duke vazhduar më pas, “Tragjedi! Kur do të ndalojë kjo kasaphanë shtazarake. Nuk ka debat, nuk ka arsye të mund të justifikojë vrasjen! Mjerë viktima dhe fëmijët e shkretë.” – shkruan ajo në Instastory.
