Sokol Dervishaj do të jetë Ministri i ri i Transporteve pas largimit të Edmond Haxhinastos. Por kur është njeriu që do të marrë një nga ministritë më të rëndësishme dhe së fundmi më të përfolura negativisht duke marrë përsipër edhe kostot që la paraardhësi i tij.
Sokol Dervishaj, është aktualisht shef kabineti i Kuvendit dhe një nga njerëzit më të besuar të Ilir Metës.
Por kush është Sokol Dervishaj?
Detyrën e Shefit të Kabinetit të Kuvendit, Dervishaj e ka marrë në shkurt të 2015-ës. Dervishaj është një nga figurat kryesore në LSI, disa herë me poste të rëndësishme por për herë të parë ministër.
Më herët 2013-2015, Dervishaj ishte zv.ministër i Jashtëm.
Por detyra të rëndësishme Dervishaj ka mbajtur edhe me Qeverinë Berisha, me të cilën Meta ishte në koalicion deri në 2013. Në qeverinë e Sali Berishës, Sokol Dervishaj ka mbajtur postin e zv.ministrit të Energjisë përkatësisht në vitet 2011-2013.
Ndërsa më herët, ka qenë Kryetar i Këshillit Bashkiak të Tiranës gjatë mandatit 2007-2011. 47-vjeçari Sokol Dervishaj është i diplomuar për Gjuhë të Huaja, konkretisht, anglisht.
Dervishaj ka qenë pothuajse i pranishëm në cdo vizitë zyrtare të kreut të Kuvendit jashtë shtetit dhe njihet si një nga njerëzit e tij të afërt.
