7 nxënës të gjimnazit “Janaq Kilica” janë helmuar në Fier. Nxënësit ishin duke zhvilluar mësim në laborator, kur nuk janë ndjerë mirë edhe është dashur që të çohen me urgjencë në spital.
Policia bën me dije se nxënësit tashmë janë në gjendje të mirë shëndetësore, por ende po punohet për sqarimin e rrethanave të ngjarjes.
Njoftimi i Policisë:
Fier
Informacion paraprak
Sot rreth orës 13:10, në lagjen “Kastriot”, në një shkollë të mesme në Fier, në kabinetin e laboratorit, gjatë mësimit, 6 nxënës kanë pasur të kollitura dhe vështirësi në frymëmarrje.
Menjëherë nxënësit janë çuar për kontroll mjeksor në Spitalin Rajonal Fier dhe janë në gjendje të mirë shëndetësore.
Paraprakisht nuk dihet kush ka qënë shkaku i kësaj situate.
Në vendin e ngjarjes shkoi grupi hetimor dhe po punohet për sqarimin e rrathanave dhe gjetjen e shkakut të kësaj ngjarje.
