Tre persona janë shtruar në Klinikën Infektive të QKUK-së dhe pritet përfundimi i analizave për të parë nëse janë prekur apo jo nga koronavirusi.
Një prej pacientëve është një 28-vjeçar kinez, ndërsa dy pacientët e tjerë janë një 27-vjeçare studente në Piacenza dhe një 39-vjeçar i punësuar në Milano.
Për lajmin janë deklaruar edhe nga Qendra Klinike dhe Universitare e Kosovës. Ata kanë thënë se tashmë tre persona janë në monitorim dhe të njëjtëve u janë marrë mostrat për analiza.
“Një shtetas kinez 28-vjeçar, një femër 27-vjeçare studente në afërsi të Romës në Piaqenza dhe një burrë 39-vjeçar i punësuar në Milano, u janë marr mostrat dhe pritet rezultati i analizave”, thuhet në përgjigjen e QKUK-së.
Dje gjatë ditës u raportuan tri raste të dyshuara me koronavirus, por më pas rezultatet e të tria rasteve dolën negative.
