Koronavirusi që ka prekur 37 vende të Botës, përfshi edhe Italinë, ka tërhequr vëmendjen dhe në jo pak raste ka shkaktuar panik te qytetarët.
Italia, një vend fqinj me Shqipërinë, rezulton një nga 3 vendet më të prekura nga koronavirusi, përveç Kinës, ku shpërtheu COVID 19.
Nga momenti që në Itali u regjistruan rastet e para, në Shqipëri u dyfishuan masat në pikat e kalimit kufitar, edhe pse virusi ka një fazë inkubimi deri në 14 ditë.
Në anën tjetër, Presidenti Ilir Meta ka thirrur një protestë më 2 mars, kundër asaj që e cilëson si grushti i shtetit që Edi Rama dhe Rilindja po tentojnë të realizojnë dhe që synon kapjen e Gjykatës Kushtetuese dhe asaj të Lartë, duke i marrë kompetencat Presidentit.
E gjithë kjo situatë duket se ka prodhuar edhe humor në rrjetet sociale. Dhe pikërisht në qendër të batutave janë Kryeministri Rama, Presidenti Meta, kreu i PD-së Basha, kryetarja e LSI-së, Kryemadhi, apo ish-deputeti Dash Shehi.
