Ministrja e Drejtësisë ka reaguar pas kallëzimit që depozitoi Presidenti Ilir Meta ndaj saj dhe dy zyrtarëve të MD-së për tre vepra penale, lidhur me rastin e Gjykatës Kushtetuese.
“Sikur të mos i mjaftonte politika e dëshpëruar e dhunës verbale, sot Kreu i Shtetit ka gjetur kohën të paraqitet personalisht me të gjithë stafin e tij në zyrën e sekretarisë të SPAK, për të dorëzuar një kallëzim penal ndaj meje dhe stafit tim. Pavarësisht absurditetit të kësaj historie, mbetet me rëndësi që Presidenti ka bërë hapin e duhur, njohjen e institucioneve e reja të Reformës në Drejtësi të cilën ai u lodh aq shumë duke e luftuar dhe përbaltur atë dhe cilindo që punon me të, shqiptarë dhe ndërkombëtarë. Shpresoj që të pranojë punën e tyre edhe ditën kur drejtësia e re dhe SPAK të filloj të godasë në shenjat e njohura botërisht si njolla të Shqipërisë, politikanë dhe zyrtarë të lartë të njohur për korrupsionin dhe krimet e tyre në këtë vend. Koha që drejtësia të veprojë”, shkruan Gjonaj në një reagim në Tëitter.
I menjëhershëm ka qenë dhe kundër-reagimi nga Presidenca. Në një postim në FB, zëdhënësi i Presidentit Ilir Meta Tedi Blushi shkruan: “Edhe falsifikatore edhe krenare! Ti qofsh moj çupë”!
Kallëzimi i Metës në SPAK/ Emrat e zyrtarëve të akuzuarve përveç ministres Gjonaj dhe akuzat
Padia e Metës në SPAK për Gjonajn dhe 2 zyrtarët e MD-së/ Zbardhet kallëzimi i plotë
