Ish-Kryeministri Sali Berisha ka reaguar në rrjetet sociale lidhur me ngjarjen e rëndë, ndodhur një ditë më parë, ku u nda nga jeta naftëtari i rafinerisë së Ballshit, Artan Voshtina.
Berisha shkruan se Voshtina sapo ishte kthyer në familjen e tij nga protesta për kafshatën e gojës së familjes së tij, i pa paguar dhe i keq trajtuar njësoj si kolegët e tij.
“Duke shprehur dhimbjen dhe ngushëllimet e mia më të ndjera familjarëve dhe kolegëve të Artanit, dënoj me ashpërsinë më të madhe qëndrimin e pashpirt të qeverisë, të këtyre banditëve në krye të shtetit, të cilët së bashku me klanet e tyre grabisin jo vetëm kafshatën e hallexhinjve, por u vjedhin shpresën dhe të ardhmen fëmijeve të punonjësve të rafinerisë.
Shpreh solidaritetin me të gjithë grevistët e urisë dhe protestuesit e Ballshit dhe Fierit në betejën e tyre jo thjesht për pagat e papaguara, por të drejtat që ua njeh ligji dhe dinjitetin qe kjo qeveri ua nëpërkëmb”, shkruan Berisha.
