Një 43-vjeçar është vënë në pranga në qytetin e Durrësi pasi qarkullonte me armë zjarri me vete. I prangosuri është shtetasi me iniciale R.F. nga Manza. Gjithashtu është arrestuar dhe 28-vjeçari me iniciale S. H., për moskallëzim krimi.
Sipas policisë, “kishin marrë informacion në rrugë operative për një shtetas që qarkullonte me armë zjarri dhe gjatë kontrollit të ushtruar në mjetin tip “Audi” në pronësi të shtetasit S. H., në sediljen e pasagjerit ku ndodhej shtetasi R. F., në një çantë dore, Policia gjeti dhe sekuestroi në cilësinë e provës materiale një armë zjarri tip “Beretta” dhe 23 fishekë”.
Materialet i kaluan Prokurorisë së Rrethit Gjyqësor Durrës, për veprën penale “Armëmbajtja pa leje”, për të cilën parashikohet dënimi me burgim deri në 7 vjet.
