Chelsea ka fituar me rezultatin 2-1 përballjen ndaj Tottenhamit, në ndeshjen e vlefshme për javën e 27-të të Premier Ligës angleze.
“Blutë” kaluan në avantazh, në minutën e 15’ me anë të Oliver Giroud. Francezi shënoi pas disa tentimeve të njëpasnjëshme, ndërsa në pjesën e parë nuk do të kishte më ndryshim rezultati.
Me fillimin e pjesës së dytë, Marco Alonso dyfishoi rezultatin për “Blutë” me një goditje të fuqishme jashtë zonës.
Tottenham do të ngushtonte vonë rezultatin, aty ku një aksion i Lamelës në minutën e 89-të, përfundon me autogol të cilin e shkakton Rudiger. Shumë pak për skuadrën e Mourinhos të cilët nuk mundën të shmangnin humbjen e dytë sezonale kundër Chelsea-t të drejtuar nga Frank Lampard.
