Frank Lampard u shkarkua në mënyrë jozyrtare nga Chelsea të hënën në mëngjes, pas rezultateve të dobëta, dhe legjendës së klubit nuk iu dha as shansi për t’u thënë lamtumirë lojtarëve të tij.
Presioni ishte në rritje mbi golashënuesin më të mirë të të gjitha kohërave të klubit në javët e fundit, por gjërat u përkeqësuan në fillim të dhjetorit.
Humbja ndaj Leicester City një javë më parë dukej se i dha fund, por Lampard mori fitoren kundër Luton Town në FA Cup në fundjavë, por kjo nuk i shpëtoi punën e tij.
Sipas Athletic, ish-trajneri i Derby Countyt u telefonua për shkarkimin në orën 8 të mëngjesit.
Sun raporton se takimi i orës 8 të mëngjesit zgjati vetëm gjysmë ore dhe raportet fillestare rreth vendimit u bënë publike në mesditë.
Lojtarëve u është thënë herët të hënën se stërvitja ishte zhvendosur nga ora 10:30 në orën 14:00 dhe kjo ishte një nga gjërat e para që shkaktoi mendime se trajneri do të humbte punën.
Nga ana tjetër, Lampard-it nuk iu dha mundësia të fliste me lojtarët e tij dhe të thoshte lamtumirë./Gazeta-Shqip.com
