Shënohet viktima e dytë italiane e Coronavirus. Sipas asaj që raporton agjencia shtetërore e lajmeve ANSA, është një grua që banon në Lombardi ajo e cila ka humbur jetën.
Viktima e parë ishte 78-vjeçari Adriano Trevisan, i cili vdiq në spitalin e Padovas, ku u shtrua së bashku me një person tjetër të infektuar me virus. Ish pronari i një ndërmarrje të vogël ndërtimi, Trevisan kishte tre fëmijë. Burri, i shtruar në spital për rreth dhjetë ditë për patologji të mëparshme, vdiq në spitalin e Schiavonia-s (Padova).
Numri i pacientëve të testuar pozitivisht për testet Corovinarus në Itali është rritur në 29. Njëzet e shtatë prej tyre jetojnë në Lombardi, ndërsa dy janë rastet e konstatuara në Veneto, mes tyre dhe i moshuari i cili vdiq mbrëmjen e djeshme.
Në Kremona, sot janë mbyllur të gjitha shkollat.
Autoritet italiane kanë marrë masa lidhur me rastin dhe kryeministri Antonio Conte ka lajmëruar se janë gati për marrjen e masave të mëtejshme nëse do vlerësohet e nevojshme.
Koronavirusi deri tani ka shkaktuar rreth 2.360 viktima në të gjithë botën. Kjo është ajo që del nga bilanci i azhurnuar i Universitetit Amerikan Johns Hopkins. Numri i përgjithshëm i rasteve të konfirmuara të infeksionit është rritur në 77.662, ndërsa numri i pacientëve të shëruar deri më tani është 21.029.
/BoldNews/
LEXO EDHE:
Koronavirusi, simptomat dhe si duhet të ruheni/ Mënjanoni kontaktet me këdo që ka temperaturë
