Kreu i opozitës Lulzim Basha ka dalë në krahë të punonjësve të rafinerisë së naftës dhe stacionit të pompimit të ujit në Poçem, të cilët prej disa ditësh janë futur në grevë urie për shkak të mos pagesës.
Me anë të një postimi në Facebook Basha shkruan se kërkesat e tyre janë të drejta dhe duhet të gjejnë zgjidhje të menjehershme. Sipas tij indiferenca dhe loja e pushtetarëve me fatin e tyre është kriminale.
Postimi i Bashës:
Mbështes plotësisht punonjësit e rafinerisë së naftës dhe stacionit të pompimit të ujit në Poçem dhe aktet e tyre sublime, përfshirë grevën e urisë. Kërkesat e tyre janë të drejta dhe duhet të gjejnë zgjidhje të menjehershme. Indiferenca dhe loja e pushtetarëve me fatin e tyre është kriminale.
