Nga Boldnews.al
Ministri i rindërtimit Arben Ahmetaj mbërriti i gëzuar në studiot e emisionit “Opinion” mbrëmjen e djeshme, i ardhur direkt nga Brukseli, pasi kishte siguruar 1.15 miliardë euro, donacione dhe kredi, (borxhe) për ndërtimin e banesave pas pasojave të tërmetit të 26 nëntorit të vitit të kaluar.
Me mashtrim e nisi fjalinë e parë. “Janë diku tek 400 milionë euro donacione dhurim, pjesa tjetër është kredi e butë, gati e papërfillshme në interesa” – tha ministri i përjetshëm i Ramës. Brenda katër minutave nga kjo deklaratë, gjithçka iu përbys, ku ishte vetë KE e cila zyrtarizoi shifrat e Konferencës së Donatorëve. Shqipërisë i ishin dhuruar nga shtete dhe organizma të ndryshme 265 milionë euro dhe jo 400 sa pohoi ministri, i cili po aty e korrigjoi shifrën, por duke “argumentuar” se nuk ka ndonjë rëndësi kjo pjesë.
Po sot bota është më në frikë se vetë shqiptarët. Kërkohet monitorim i rreptë i fondeve dhe trasparencë e plotë, për të mos lejuar korrupsionin qeveritar në abuzimin me milionat e eurove që janë destinuar specifikisht për pasojat e tërmetit. Dhe nuk është aspak çudi që edhe më fatkeqësitë njerëzore, në humjen e 51 jetëve të qytetarëve dhe mijëra banesave të rrënuara, qeveria ti kthehet zakonit të vjetër; abuzim, vjedhje dhe shpërndarje parash në duart e një pjese të oligarkisë së ndërtimit.
Dy janë çështjet fort të diskutuara që mbesin si barrë mjaft e rëndë për vendin. Së pari është shifra prej afër 800 milionë eurosh e cila është në formën e kredisë dhe një borxh që Shqipëria duhet ta kthejë, duke rënduar edhe më shumë qytetarët dhe e dyta frika e madhe për zbuzim si me donacionet ashtu edhe me kreditë. Këtë e kanë vënë në dukje edhe përfaqësues të lartë të SHBA-së dhe BE-së.
Komisioneri i BE për Zgjerimin, Oliver Varhelyi deklaroi për mediat se do të kërkojë trasparencë të plotë, për të mos lejuar që qeveria e cila ka akses në këto fonde të përfshihet në afera korruptive. “Korrupsion nuk do të ketë dhe nuk do të tolerohet. Ne do të jemi të përfshirë në implementimin dhe është shumë e qartë se ku janë nevojat më të mëdha, në sektorin e strehimit dhe ndërtesat publike. Aty do të fokusohemi edhe ne. Dhe sigurisht, që nëse do mundemi t’i modernizojmë këto rajone në Shqipëri, do ta bëjmë këtë. Por siç thashë, ne do të jemi shumë të përfshirë në implementimin e fondeve dhe do të sigurojmë që të gjitha parimet dhe rregullat tona të respektohen” – tha Komisioneri Varhelyi.
Të njëtin shqetësim kishin edhe Shtete e Bashkuara të Amerikës, ku veçohet qëndrimi i të dërguarit special i SHBA për Ballkanin Perëndimor, Mattheë Palmer. “Shuma do të shkojë për themelimin e një akademie transparence, e cila do të ndihmojë Shqipërinë për administrimin në mënyrë transparente dhe llogaridhënëse të donacioneve të pas tërmetit dhe fondeve të tjera publike” – deklaroi Palmer, duke konfirmuar se kjo shifër është rreth 5 milionë dollarë.
Frika e donatorëve qëndron dhe jo për shkak të medias në Shqipëri dhe opozitës që “hedhin baltë” ndaj të “pastrës” qeveri, por mbi faktet që vetë ata vetë kanë mbledhur. Është një paradoks i madh edhe për shoqërinë, që ndërkombëtarët nuk reagojnë kur zyrtarë të lartë të qeverisë abuzojnë me fondet publike, që vijnë drejtëpërdrejtë nga taksat qytetare, por përkojnë trasparencë dhe monitorim të plotë duke pasur vetë ata akses për fondet që lëvrojnë vetë.
Fakteqësisht, bashkë me atë shumë të frikshme prej 800 milionë eurosh borxhë, kemi marrë edhe damkën se kemi një qeveri të pabesueshme dhe të akuzuar drejtëpërdrejtë për korrupsion, kjo e konfirmuar nga reagimet e përfaqësuesve të lartë të BE-së dhe SHBA-së.
