Pavarësisht se një stadium i ri, problemet në “Air Albania” kanë qenë evidente në çdo ndeshje që është zhvilluar në të.
Një problem është fusha, bari që është vënë re në shumë ndeshje të ketë shkëputje dhe janë krijuar gropa.
Gazetari Bashkim Tufa, i ftuar në Ora Sport në RTV Ora ka ironizuar këtë fushë duke e quajtur fushë patatesh.
“Fusha është stonaturë karshi luksit të stadiumit. Aty ku luan Skënderbeu është më e mirë se sa Air Albania. Kjo është një fushë patatesh. A ka agronom që merret me këtë stadium. Ngo nuk shënon, me atë të staturë të gjatë e plugoi fushën. Me një goditje ai nxorri një copë të madhe të tokës. Unë nuk pretendoj që të ketë një stadium si në Japoni”. – ka thënë Tufa.
