I ftuar në studion e “Open”, presidenti i vendit Ilir Meta foli për situatën në vend, për punën e qeverisë dhe për reformat e ndërmarra si dhe për fondet e dhëna nga donatorët.
Sipas Ilir Metës paratë nuk janë dhënë për qeverinë, por për qytetarët dhe mesazhet e tyre ishin të qarta, se duhet transparencë.
Banka Botërore tha Meta i jep kredi edhe vendeve diktatoriale. “Mua nuk më intereson se kush kryeministër i merr, por ato duhet të shkojnë për drejtimin për të cilin janë dhënë”.
Më tej Meta thotë se “duhet parandaluar grushti i shtetit që këto para të shkojnë atje ku duhet.” Të gjitha këto thotë Meta janë baraz me një PPP.
“Unë besoj se është bërë një punë lidhur me rindërtimin e vendit dhe jam i prirur për të besuar”, tha Meta.
