Meta: Vendimi i Kuvendit për betimin, atentat mafioz

Presidenti Meta në studion e Open tha se mazhoranca u tall me Venecian. “E thirrën atë këtu dhe pa ardhur dhe u shprehur për opinionin ata e votuan natën në fshehtësi të plotë ligjin për betimin e Gjykatës Kushtetuse”, tha Meta.

“Komisioni i Venecias u habit nga vendimi i Parlamentit. Ata i thanë ju erdhët, por ne e miratuam dje dhe nuk do të diskutojmë më për këtë gjë. Çdo gjë që është shkruajtur në Kushtetutë për këtë gjë është shkruajtur nga Venecia. Këtu kemi të bëjmë me rrëmbim të Gjykatës Kushtetuese. Vendimi është një atentat mafioz. Mafia është kjo. Në 8 nëntor pikërisht në ditën e partisë, kryetari i Kuvendit i dërgon letër Dvoranit dhe i thotë: Brenda ditës së sotme Kuvendi kërkon të njoftohet për procesin e emërimeve në drejtësi. Dvorani brenda ditës i kthen përgjigje: Nuk ka ardhur asnjë njoftim nga institucioni i Presidentit të Republikës. Po kështu edhe në faqen zyrtare të Presidentit nuk rezulton të jetë bërë publike njoftimi për vakancat. Kjo është e turpshme, një gënjeshtër e madhe”.

LEXO EDHE  Basha shmang replikat me Ramën: Ndihmo shqiptarët e Preshevës, ofroji asistencë mjekësore