Operacioni Forca e Ligjit i ka dërguar sot formularët e vetëdeklarimit dy shtetasve me banim në Vlorë, në kuadër të operacionit anti-KÇK që nisi dy javë më parë.
Sipas zëdhënëses së OFL-së, në vijim të veprimeve, bazuar në Aktin Normativ, OFL u ka dërguar kërkesat për vetëdeklarim të pasurisë, shtetasve: A. Ç. dhe M. Ç, të dy banues në Vlorë, pasi janë dënuar nga Gjykata e Torinos, Itali, për “Trafikim të lëndëve narkotike”.
Raportohet se persnave që u është dërguar formulari janë vëllezërit Altin dhe Mikel Çuçaj.
“Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së, të cilat do t’i dërgohen SPAK-ut, për veprime të mëtejshme”, tha zëdhënësja e OFL.
