Kylian Mbappe aktualisht është ndoshta futbollisti më i dëshiruar nga çdo skuadër në botën e futbollit.
Por mundësitë për të nënshkruar me të nuk janë për këdo, duke parë edhe çmimin e kripur për kartonin e tij dhe pagën që kërkon francezi.
Sulmuesi i PSG-së, është dëshira e madhe e Realit të Madridit por dhe e Barcelonës, të cilët nuk dëshirojnë që një futbollist aq i ri me potencialin që zotëron, t’i bashkohet rivalëve kryeqytetas.
Së fundmi gazetari i “El Chiringuitos”, Edoardo India, ka deklaruar në emisionin e televizionit spanjoll se drejtuesit e Barcelonës kanë kontaktuar në dy raste me babain e futbollistit për ta bindur që të çojë Mbappen-ë në Barcelonë.
Por sipas këtij raportimi përgjigjja e tij ka qenë e qartë dhe e prerë: “Kylian largohet nga PSG vetëm për të kaluar te Real Madridi”. Një fjali që ka lënë të shtangur drejtuesit e spanjollëve që mund të shohin rivalët e tyre të forcohen shumë me kampionin e botës.
