Lionel Messi po kalon një fazë të vështirë përpara portës së kundërshtarëve. Këtë sezon 32-vjecari ka luajtur 19 ndeshje në La Liga, teksa në 10 prej tyre nuk ka arritur të shënojë.
Në fitoren e ditës së djeshme 2-1 kundër Getafes, golat u shënuan nga Griezmann dhe Sergi Roberto ndërsa Messi nuk arriti të shënonte në ndeshjen e katërt radhazi në kampionat.
Që kur shënoi kundër Granadës në ndeshjen e parë të Quique Setien në drejtim, argjentinasi ka gjuajtur 31 herë në drejtim të portës, 15 nga të cilat kanë qenë në kuadrat por asnjë e përkthyer në gol.
Megjithatë edhe pse nuk ka shënuar së fundmi, Messi sërish kryeson renditjen e golashënuesve në La Liga me 14 gola në 24 ndeshje, ndërsa kundër Getafes regjistroi asistin e 12-të të sezonit.
