Ish-Kryeministri Sali Berisha ka publikuar mesazhin e qytetarit dixhital lidhur me aksionin që pritet të ndërmarrë IKMT për shembjen e banesave te Unaza e Re.
Berisha e cilëson aksionin “banditizëm jashtë çdo imagjinate!”.
Banorët e Unazës së Re, janë njoftuar se ditën e hënë, IKM-ja nis shembjen e ndërtesave.
Në videon e publikuar nag Berisha dëgjohet sesi punonjësit e IKMT-së i lajmërojnë banorët se duhet të largohen, por këta të fundi, duke parë hartat që iu tregohen, konstatojnë se në zonë nuk ka asnjë projekt dhe iu kërkojnë vetëm një shkresë, zyrtarëve të shtetit: Vendimin për prishjen e banesave, që ata duket qartë se nuk e kanë.
“Banditizëm jashtë çdo imagjinate. Akuzon Salillarin se është pa projekt, pa leje ndërtimi dhe pa tender për lotin e dytë dhe më e tmerrshme është se nuk të japin vendim prishje dhe kërkon t’ju shkatërrojë banesat! Lexoni denoncimin e qytetarit dixhital”, shkruan Berisha në postimin e tij.
Përshëndetje doktor Berisha!
Duke ju uruar shëndet të plotë, jam G.S në Unazën e Re.
Prej një viti e gjysmë gjendemi në protestë se duan të na grabisin pronat, kriminelët me pushtet, si Salillari me gjoja projekt per zgjerimin e rrugës!
Këta siç shikohet në video nuk kanë projekt, as leje ndërtimi, as tenderi për lotin e dytë nuk është bërë dhe më e tmerrshme është se nuk të japin vendim prishje!
Këtij nuk mund t’i themi shtet.
Të lutem doktor, publikoni këtë postim!
Përzemërsisht G.S!
