Nebil Çika, Kryetar i Shoqatës Antikomuniste e të Përndjekurve Politike të Shqipërisë, ka reaguar ndaj vendimit të KPK-së për shkarkimin nga detyra të prokurorit Adnand Xhelili.
Çika shkruan në rrjet se vendimi ndaj Xhelilit, pavarësisht arsyetimit zyrtar të KPK-së, ishte për motive të qarta politike, një akt hakmarrjeje për dënimin e Ramiz Alisë, Nexhmije Hoxhës e të tjerë drejtues të diktaturës komuniste dhe drejtuesve të Sigurimit të Shtetit.
Xhelili vinte nga rradhët e ish të përndjekurve politikë dhe në 1995 ka përfaqësuar akuzën në gjyqin ndaj ish-bllokmenëve, të cilët u akuzuan për gjenocid.
Trupa gjykuese e KPK që vendosi shkarkimin e Xhelilit përbëhej nga Olsi Komici kryesues, Firdes Shuli relatore dhe Brunilda Bekteshi, anëtare.
