Ish-Kryeministri Sali Berisha ka publikuar në rrjet mesazhin e një qytetari, ku denoncohen të paprekshmit nga OFL.Berisha e publikoi mesazhin në të njëjtën kohë kur Edi Rama po fliste nga foltorja e Kuvendit pikërisht për anti-KÇK dhe paralajmëronte për sekuestrimet e pasurive.
Në mesazhin e publikuar nga Berisha përfshihen emrat e Betim Rryci, Ilir Bushi, Ilirjan Sala, Fatmir Durma, Rexhep Rraja, Ramazan Rraja, Edmond Kadiu, Pëllumb Stafuka, Bilbil Maja.
Berisha tregon se mesazhi “denoncon operacionin forca e krimit të KÇK, për mbrojtjen e kriminelëve e trafikantëve të drogës! Lexoni mesazhin e qytetarit dixhital!”.
Postimi
Përshëndetje z.Berisha
Ju lutem, denoncojeni këtë problem.
Sot rastësisht një inspektor krimesh në Fushë Krujë, që për arsye sigurie s’dua t’ia them emrin, më tha:
OFL ngjan si një strukturë kriminale ose bandë që ka mbështetje vetëm Kryeministrin dhe opsionin e tij, që tejkalon çdo institucion tjetër. Për shembull, tha ai, OFL ka amistuar të gjithë kontigjentin kriminal të grupeve që financuan dhe tregtuan mbjelljen e hashashit në rrethin ose në territorin e bashkisë Krujë nga viti 2013 e deri në 2019, se tani po përgatiten fidanishtet.
OFL po merret me makinat e zhdoganuara të regjistruara e me dokumente të rregullta, kurse makinat e policit Betim Rryci, Ilir Bushit, Ilirjan Salës, Fatmir Durmës, Rexhep Rrajës, Ramazan Rrajës, Edmond Kadiut, Pëllumb Stafukës, Bilbil Maja etj nuk preken nga Policia dhe hetimet gjithmonë kanë dështuar.
OFL po amiston fajdexhinjtë që prodhojnë krim.”
