Lionel Messi kryeson tabelën e golashënuesve në LaLiga Santander për të katërtin sezon radhazi në këtë pikë të kampionatit.
Megjithatë kjo nuk përbën lajm, por ajo që është kurioze është që ai po e arrin këtë me vetëm 14 gola të shënuara. Numri 10 i Barcelonës kryeson renditjen me vetëm një gol më shumë se Karim Benzema, i cili ka shënuar 13 gola.
Një shifër kaq e ulët e golave pas 23 javëve kampionat nuk shihej që nga sezoni 2006/07. Gjatë atij sezoni Diogo Milito ishte në kryesim me 13 gola të shënuar, i cili ndiqej nga Ruud Van Nistelrooy me 11. Por holandezi deri në përfundim të sezonit, arriti të shënojë edhe 14 gola të tjerë për të përfunduar si fituesi i “Pichichit” me 25 gola.
Nuk janë vetëm kryesuesit e Pichichit që po vuajnë të gjejnë rrjetën, por në përgjithësi i gjithë kampionati ka të njëjtin problem.
Deri më tani janë shënuar 583 gola, numri më i ulët në 13 vjet.
Duhet të theksohet, se këtë sezon janë shënuar vetëm 5 gola më pak se sezonin e kaluar, shifra këto që mbase nënvizojnë impaktin që Cristiano Ronaldos ka pasur gjatë qëndrimit të tij në Spanjë.
Me Messin dhe Ronaldon që garonin në të njëjtin kampionat, total i golave kurrë nuk ra nën 600 në këtë pikë të sezonit. Pa portugezin, shifrat kanë rënë sërish nën 600 gola, ashtu si ndodhi në 2007/08 (593) dhe në 2006/07 (540).
Megjithatë kampionati spanjoll nuk është ai që ka shënuar më pak gola këtë sezon, këtë titull e mban kampionati francez. Pas 23 raundeve në Francë janë shënuar 573 gola, 10 më pak se në Spanjë.
