Alketa Vejsiu ka bërë realitet ëndrrën e saj për të cilën ka punuar që 14-vjeç. Ajo arriti të prezantojë në Sanremo natën e tretë krah Amadeusit dhe Georgina Rodriguez.
Alketa u ngjit në skenën e teatrit Ariston dhe mahniti publikun aftësinë e saj në prezantim. Në një intervistë për “Jo vetëm modë”, në Tv Klan Vejsiu ka treguar se në publik është edhe bashkëshorti i saj.
Alketa e ndjen veten shumë me fat, që ka një bashkëshort që e do dhe e mbështet në ëndrrat e saj, madje këtë Sanremo ja dedikon eskluzivisht atij.
“Në skenë patjetër sonte është bashkëshorti im, patjetër është i ulur atje. E kam patur gjatë gjithë këtij rrugëtimi mbështetje të jashtëzakonshme dhe sot nuk mund të mungonte sepse kjo është një ëndërr e përbashkët, që e kemi finalizuar të dy. Edhe nëqoftëse duhet t’ja dedikoj dikuj Sanremo-n, ja dedikoj në mënyrë eskluzive njeriut që dua, që më ka mbështetur në gjithë këtë rrugëtim. Është e mrekullueshme që të kesh dikë që të do dhe të mbështet në ëndrrat e tua, jam me fat për këtë”.
