Greqia duket se nuk po gjen qetësi nga tërmetet. Të tjera lëkundje sizmike janë regjistruar gjatë orëve të para të mëngjesit.
Këtë herë tërmeti ka goditur ishullin e Kretës. Dy goditjet më të forta janë regjistruar me magnitudë 4.7 dhe 4.5 e shkallës Rihter.
Dy lëkundjet janë regjistruar në orën 04:24 dhe 05:11 me orën lokale.
Lëkundjet u ndjenë edhe në Turqi. Epiqendrat kanë qenë me një thellësi prej 10 dhe 15 km.
Kujtojmë se dje zona e Artës në Greqi u godit nga një tërmet me magnitudë 5.1 e shkallës Rihter, ndërsa më 30 janar një tërmet me magnitudë 5.9 e shkallës Rihter u regjistrua në juglindje të Karpathosit.
