Një 26-vjeçar është vënë në pranga nga uniformat blu të Tiranës, pas informacioneve të marra se tregtonte lëndë narkotike heroinë në zonën e Yzberishtit.
Personi i arrestuar është shtetasi me iniciale O.K.
Sipas policisë, “ky shtetas sapo ka parë punonjësit e policisë, ka gëlltitur disa qese ambalazhi, të cilat dyshohet se kanë qenë me lëndë narkotike të llojit heroinë”.
Gjithashtu pas kontrollit në banesën e tij janë gjetur një përforcues metalik grushti dhe 12 tableta të dyshuara metadon.
Materialet hetimore i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
