Manuel Neuer njihet si një portier që luan mjaft mirë me këmbë, i cili përveç se mbron kuadratin e portës bën mirë edhe organizatorin e lojës nga mbrapa.
Në lidhje me këto cilësi të gjermanit, në një intervistë të fundit, Karl-Heinz Rummenigge, ka zbuluar që i është dashur të bindë Pep Guardiolën që të mos aktivizonte Manuel Neuer-in në rolin mesfushorit, një ide kjo mesa duket e trajnerit spanjoll.
“Akoma më kujtohet, se pasi fituam kampionatin, Pep Guardiola ishte mëse i vendosur që ta aktivizonte Neurer-in si mesfushor për një ndeshje. Mu desh shumë punë që ta bindja Guardiolën që të mos e bënte këtë gjë, pasi shumë do ta konsideronin këtë veprim si një arrogancë. Por gjithsesi jam i bindur që Neuer do të bënte mjaft mirë edhe si mesfushor”.
