Plot 14 gabime ortografike në vetëm një shkresë zyrtare prej një faqeje të Operacionit Forca e Ligjit, të trumbetuar nga kryeministri Edi Rama si një strukturë që do të godasë krimin e organizuar.
Forca e Ligjit, që aksionin e parë e nisi me një bllof me sekuestron e kompleksit “Golden” në Xhafzotaj, duket se ka probleme serioze edhe në gramatikën e Gjuhës Shqipe…
Shkresën e ka komentuar edhe avokati i njohur Ledio Braho, i cili e cilëson të habitshme faktin, teksa sjell në kujtesë se “një nga nismat e para të Rilindjes në qeveri ka qenë pikërisht emërimi i redaktoreve në ministri”.
“Ja dhe niveli i OFL – dhe një shkresë që e kanë tip, e kanë të mbushur me gabime ortografike ku as fjalët “akt normativ” nuk dinë të shkruajnë, mos flasim për formatimin që është si i bërë nga ndonjë injorant aktiv. E habitshme, se një nga nismat e para të Rilindjes në qeveri ka qenë pikërisht emërimi i redaktoreve nëpër ministri, po siç duket, me propagande nisi e ashtu edhe do bitisi…”, shkruan Braho në një postim në rrjetet sociale.
