Operacionit Forca e Ligjit (OFL) njoftoi sot se i ka dorëzuar formularët e vetëdeklarimit 3 shtetasve, mes të cilëve edhe dy të afërmve Emiljano Hysenaj dhe Edlir Hysenaj.
Emiljano Hysenaj, rezulton i dënuar në Gjermani për trafikim narkotikësh dhe pastrim parash. Në maj të 2018 ky persona është arrestuar në Gjermani bashkë me 12 persona të tjerë ku pas një operacioni të autoriteteve, iu kapën 1,8 ton kokainë me vlerë tregu mbi 400 milion euro.
Nga hetimet që kishin nisur në Prill 2017 policia gjermane arriti të zbulojë rolet e gjithsecilit në këtë trafik kokaine, e cila vinte nga Ekuadori e fshehur në kuti bananesh. Emiljan Hysenaj, ishte njëri nga personat që kishin rolin parësor në kupolën e trafikut të drogës.
Ndërsa Edlir Hysenaj, banues në Durrës, me lidhje familjare me Emiljano Hysenaj, dyshohet se gëzon pasuri të krijuara me të ardhura nga veprimtaritë kriminale.
