Pasi infeksioni global nga shpërthimi i koronavirusit arrin 20 mijë persona, si dhe 427 viktima, Britania u ka kërkuar qytetarëve të saj të largohen menjëherë nga Kina.
Britanikët e tërbuar dhe të ‘ngecur’ në Kinën e goditur nga koronavirusi, kanë sulmuar sot qeverinë pasi u paralajmëruan të gjithë rreth 30,000 shtetasit britanikë, që të largoheshin nga vendi, raporton Dailymail.
Në një përshkallëzim dramatik të këshillave të saj zyrtare për të shmangur Kinën, Zyra e Jashtme tani po u bën thirrje njerëzve që të largohen nga vendi në përpjekje për të mbrojtur shëndetin e tyre, në mes të frikës se kriza e koronavirusit do të vazhdojë të përshkallëzohet.
Përkundër SHBA, Australia, Zelanda e Re dhe Tajvani që ndalojnë udhëtarët e huaj nga Kina, Mbretëria e Bashkuar është akoma duke lejuar mbërritjet nga vendi i goditur me virus.
Një fluturim i drejtpërdrejtë me Air China nga Pekini në Londër Heathrow është vetëm një klik larg.
Qeveria thotë se një ekip ekspertësh të shëndetit publik janë në aeroportin e Londrës për të ‘mbështetur këdo që udhëton nga Kina i cili nuk ndjehet mirë’.
