Kreu i opozitës Lulzim Basha priti në një takim Presidentin e Kongresit të Autoriteteve Lokale të Këshillit të Europës, Anders Knape, Sekretarin e Përgjithshëm Andreas Kiefer, Presidenten e Dhomës së Rajoneve Ms Gunn Marit Helgesen si dhe Presidentin e Dhomës së Autoriteteve lokale, Xavier Cadoret.
Gjatë takimit u diskutua për situatën e rëndë ekonomike dhe kriminale që ka pushtuar Shqipërinë, di dhe u vu theksi tek pikat se si mund të dilet nga kjo krizë.
Bashkëbiseduesit ishin të mendimit se vetëm zbatimi i standardeve europiane për qytetarët dhe vota e lirë mund të kthejnë normalitetin në vend.
Ja postimi i Bashës në Facebook:
Gjatë takimit me Presidentin e Kongresit të Autoriteteve Lokale të Këshillit të Europës, Z. Anders Knape, Sekretarin e Përgjithshëm Andreas Kiefer, Presidenten e Dhomës së Rajoneve znj. Ms Gunn Marit HELGESEN, Presidentin e Dhomës së Autoriteteve lokale z. Xavier CADORET, dhe delegacionin që i shoqëronte, ju shpreha mirënjohjen për vëmendjen që ky institucion ka treguar përherë ndaj vendot tonë.
Shqipëria e cila ndodhet në një krizë të thellë politike dhe ekonomike, ku korrupsioni e krimi i lidhur me politikën po gërryen themelet e shoqërisë dhe shqiptarët po largohen çdo ditë, e ka jetike ndihmën dhe mbështetjen e miqve dhe partnerëve tanë.
Rruga për daljen nga kriza kalon nga zbatimi i standarteve demokratike europiane, forcimi i rolit të qytetarëve që nis me garantimin e votës, duke ju dhënë mundësi atyre, që të lirë nga diktati i krimit dhe paratë e korrupsionit, të vendosin për qeverinë e tyre vendore dhe qendrore sa më shpejt.
