Ambasada e SHBA në Tiranë ka reaguar pas takimit të Yuri Kim me kryedemokratin Lulzim Basha. Me anë të një postimi në Facebook, ambasada e SHBA shprehet se ambasadorja Yuri Kim nxiti të gjitha palët të qëndrojnë në tryezë, dhe të përfundojnë një kod zgjedhor.
Gjatë takimit me kreun e PD-së, Yuri Kim konfirmoi mbështetjen e SHBA-së për institucionet dhe praktikat demokratike në Shqipëri.
Statusi i plotë:
“Gjatë takimit të saj sot me Kryetarin e Partisë Demokratike Lulzim Basha, Ambasadorja Kim nxiti të gjitha palët të qëndrojnë në tryezë dhe të përfundojnë një kod zgjedhor. Ambasadorja gjithashtu konfirmoi mbështetjen e Shteteve të Bashkuara për institucionet dhe praktikat demokratike në Shqipëri”.
