Steven Gerrard gjatë karrierës së tij 17-vjeçare me skuadrën e Liverpool-it, nuk mundi asnjëherë që të ngrinte trofeun e Premier Ligës.
Gerrard kulmin e tij e kishte kur ndihmoi Liverpool të përmbyste atë finale të Champions League kundër Milanit në vitin 2005, duke fituar trofeun më të madh në karrierën e tij. Megjithatë, peng i mbetet trofeu i Premier League dhe këtë gjë e ka pranuar edhe vetë.
Tifozët e Liverpoolit e kanë idhull ish mesfushorin e kuq dhe në rrjetet sociale, kanë ngritur idenë e nënshkrimit me Gerrard, në pesë ndeshjet e fundit të sezonit, në mënyrë që ai të ngre trofeun e Premier League. Ndoshta e pamundur, por tifozët kanë të drejtë të ëndërrojnë për një rikthim të trajnerit të Rangers.
