Naftëtarët e Ballshit kanë bllokuar hyrjen e uzinës , duke mos lejuar daljen e 3 autobotëve që kishin hyrë në uzinë, pasi kërkojnë pagat e prapambeturave.
Këto autobote janë të kompanive që administrojnë uzinën, dhe kanë hyrë për të marrë squfurin dhe gazoilin e mbetur që nga koha kur uzina ishte në punë.
Naftëtarët kanë 4 muaj pa u paguar, dhe megjithë premtimet e shumta asnjë masë nuk është marrë për rifillimin e punës. Ata janë shprehur se protestat do të përshkallëzohen.
