Amerikania Sofia Kenin mposhti në finalen e Australian Open, spanjollen Garbine Muguruza, duke fituar kështu Grand Slamin e saj të parë në karrierë.
Sofia Kenin triumfoi në finale në tri sete, (4-6 6-2 6-2). Pas fitores së madhe Kenin, deklaroi:
“Ëndrra ime më në fund është bërë realitet”, tha Kenin, tenistja e tetë që shpallet kampione për herë të parë në karrierë në 12 turnetë e fundit të Grand Slams në konkurrencën e vashave.
“Ëndrrat bëhen realitet. Nëse e keni një ëndërr, atëherë mos u dorëzoni sepse do të bëhet realitet një ditë. Këto dy javë kanë qenë dy javët më të mira të jetës time”.
Kenin, e cila i mbushi 21 vjeç në nëntor të vitit të kaluar, është kampionia më e re në moshë e Australian Open që nga rusja Maria Sharapova në vitin 2008.
