Ish-Kryeministri Sali Berisha i ka drejtuar një thirrje kryeministrit Edi Rama të mos luajë me anëtarësimin e vendit në NATO.
Duke folur për buxhetin e dedikuar për NATO-n, Berisha shkruan se zotimi i kryeministrit për të mos e ulur pavarësisht tërmetit ishte qesharak.
“NATO ka memorie Edvin!
Njeriu që demostroi kundër NATO-s të nesërmen e anëtarësimit të vendit në këtë Aleancë vizitoi dy ditë më parë seline e saj në Bruksel.
Në konferencë shtypi me Sekretarin e Përgjithshëm të Aleancës, zotin Stoltenberg, Edvin Kristaq Mashtrimi mori një zotim qesharak. Ai deklaroi se pavarësisht nga tërmeti nuk do të ulte buxhetin për NATO-n.
Miq, Edivin Kristaq Droga ka ulur nga 2% të GDP që ishte buxheti për NATO-n në Shqipëri në vitin 2012, ne 0,9% që e zbriti vitin e kaluar, pasi i mori fondet ushtrisë dhe shpërbleu me to narkopolicinë për gazin që hodhi ndaj qytetarëve”, shkruan Berisha në rrjet.
Ish-kryeministri, në vijim të komentit të tij, thekson se ky ishte një zotim qesharak sepse ai në vitet pa termet ka patur buxhetin më të ulët dhe ka vidhisur Shqipërinë nga vendi i pestë për kontributet e saj që ishte sipas renditjes të vetë Aleances në vitin 2012, në vendin më të fundit që ndodhet prej tre vitesh.
“Denoncoj me forcën më të madhe qëndrimin e papërgjegjshëm të Edvin Kristaq Mafisë dhe narkoqeverisë së tij që mbajnë për detyrimet e vendit ndaj NATO-s dhe kërkoj të mos luaj me anëtarësimin e vendit në NATO që përbën arritjen më të madhe të Shqipërisë pas Pavaresisë të saj”, shkruan Berisha.
NATO ka memorie! sb
