I ftuar në Ora news, avokati Ledio Braho ka komentuar largimin e shqiptarëve nga vendi drejt vendeve të BE.
Braho tha se nuk janë vetëm kushtet ekonomike që detyrojnë shqiptarët të largohen, pasi sot nga vendi po ikin edhe profesionistë që kanë të ardhura të mirë.
Sipas Brahos cilësia e jetës dhe cilësia e sistemit arsimor janë dy nga arsyet që largojnë shqiptarët nga vendi.
‘Fakti që këtu po ikën shtresa e mesme, po ikin persona që janë të punësuar me 1 mijë euro në muaj. Pra ai nuk ikën për pagë, por prej cilësisë së jetës, e cila është shumë e ulët. Cilësia e arsimit ka rënë dhe shumë çifte largohen për të arsimuar fëmijët jashtë’, tha Braho.
