Avokati Ledo Braho i ftuar në Ora news, ka komentuar edhe për fenomenin që pritet të ndodhë në Shqipëri pas largimit masiv të qytetarëve shqiptarë, ku bizneset pritet që punonjësit vendas t’i zëvendësojnë me punonjës nga vende të tjera.
Avokati Braho tha se aktualisht kodi i punës në Shqipëri është i komplikuar kur bëhet fjalë për punonjës të huaj, pasi herë pas here ata duhet të rinovojnë letrat, që do të thotë që një kompani e madhe do të duhet të hapë edhe zyra juridike që të merren enkas me pajisjen me letra të punonjësve të huaj.
Gjithashtu Braho tha se ardhja e punonjësve të pakualifikuar nga vendet jashtë BE mund të sjellin edhe rritje të kriminalitetit.
‘E vërteta është që dhe shtetas të BE që punojnë në nivele të larta duhet të bëjnë procedura herë pas here për lejen e punës në Shqipëri, siç janë formularë apo fotografi. Ne synojmë të shkojmë në BE që të shmangim këto procedura, ndërsa ne për shtetasit e BE kërkojmë shpesh rinovim letrash. Penguese normalisht është të flasim për vendet jashtë BE. Nëse në Shqipëri vijnë punonjës jashtë vendeve të BE, puntorë krahu, atëherë do të ketë vështirësi sepse duhet të bëhen procedurat rriten dhe kostot. Kur flasim për punëdhënës që do marrin numër të madh punonjësish do të ketë zona që do të bëhen si geto, do të ketë edhe mundësi për rritje kriminalteti. Problemi është çfarë do të bëjë shteti shqiptar/ pra këto janë pasojat që do të na vinë nga shtetasit që vijnë nga jashtë’, deklaroi Braho.
