Në seancën plenare të ditës së enjte do të kalojë për votim edhe vendimi i qeverisë për shtyrjen e ‘Gjendjes së fatkqësisë natyrore’ deri më 23 qershor, pasi një ditë më parë u miratua në Komisionin e Ligjeve.
Lidhur me këtë vendim avokati i njohur Ledio Braho deklaroi se po shkelet kushtetuta. Në një lidhje me Euronews, Braho theksoi se nuk mundet që zgjatja e afateve të jetë më e madhe se vetë afati i parë i cili ka qenë 30 ditë.
‘Duhet të kemi parasysh se shtyrja e Gjendjes së Fatkeqësisë Natyrore mbi të gjitha do të zgjasë dhe kufizimin e të drejtave themelore të njeriut, kufizim ky që ka nisur nga data 10 mars, që u shpall më tej në 24 mars, në tej në 31 mars u kufizuan dhe disa nene të konventës së të drejtave të njeriu. Kushtuta përcakton afat 30 ditor dhe çdo zgjatje bëhet me miratim nga parlamenti. Këtu kemi një situatë alergjike dhe antikushtetuese pasi zgjatja e ja afati nuk mund të jetë më e gjatë se afati, pra nuk mund të zgjatet afati me 60 ditë kur vetë afati është 30 ditë. Ndërkohë që nga ana tjetër kemi një përplasje të vetë qeverisë e cila nga njëra anë flet për ulje të masave nga ana tjetër kërkon zgjatjen e gjendjes’, deklaroi Braho.
Ndërkohë avokati Braho i pyetur se nëse deputetë do ta votojnë nesër zgjatjen e gjendjes së fatkeqësisë natyrore do të shkelnin Kushtetutën, ai deklaroi se ata nuk mbajnë përgjegjësi për votën e tyre.
‘Është antikushtetuese pasi nuk mundet që zgjatja të jetë më e madhe se vetë afati. Duhet të kemi parasysh sedeputetët nuk mbajnë përgjegjësi për votën e tyre, e njëjta gjë siç ndodh me Kodin penal që u miratua, për të cilën presidenti nuk foli fare, pasi ndryshimet nuk duhej të bëheshin me procedurë të përshpejtuar’, theksoi Braho.
Gjithashtu juristi Braho ngriti dhe një shqetësim tjetër, të cilat janë procedurat e tenderave që po kryhen në këtë moment pandemie. Ai theksoi se në Shhipëri po bëhen procedura tenderimi me miliona euro krejtësisht të dyshimta, të cilat tashmë janë denoncuar edhe nga opozita.
‘Gjithashtu në këtë periudhë kemi dhe procedura tenderimi krejtësishttë dyshimta të cilat po denoncohen dhe nga opozita. Kjo lloj situate do të zgjatet dhe për dy muaj të tjera që mund të sjellë dëme të konsiderueshme të buxhetit të shtetit’, tha Braho.
