Avokati Ledio Braho i ftuar në Ora news, ka folur mbi fenomenin që po ndodh aktualisht në shoqërinë shqiptare ku bizneset sot kanë problem me gjetjen e punonjësve.
Sipas Brahos ky është një problem i madh, pasi nga Shqipëria po i largohen profesionistët. Ndërkohë Braho tha se marrja e krahut të punës nga jashtë Shqipërisë sjell sërish probleme, pasi nuk ka garanci nëse ata do të qëndrojnë në Shqipëria apo jo, si dhe ka një kosto të lartë.
‘Ata që po ikin janë pjesë e arsimuar. Një pjesë e bizneseve vuajnë për profesionistë edhe një pjesë vuajnë për krahë pune, këta kërkojnë edhe punonjës nga vendet e tjera. Kodi i Punës ka përfshirë edhe marrjen e punëtorëve për të huaj, si dhe po bëhet një projektligj për tu krijuar lehtësira shtesve të huaj. Nëse në Shqipëri ngelet vetëm krah pune dhe jo krah pune atëherë ekonomia do të ulet. Vetëm në shoqërinë time janë larguar 5 persona që ishin kualifikuar për financë. Ka biznese që vuajnë për menaxherë, apo për krah pune që kanë marrë punonjës nga vendet e azisë. Kodi i punës ka ndryshime nga më të shumtat dhe ende sot ka probleme me zgjidhjen e kontratave për vendin e punës’, u shpreh Braho.
Ndërkohë Braho theksoi se ata që po largohen nga vendi janë kryesisht profesionistët e zhgënjyer nga politika, pasi besonin se gjërat do të ndryshonin në Shqipëri, ndërkohë që në vendin tonë gjithçka po shkon drejt regresit.
‘Ata që po ikin janë ata që besuan se Shqipëria do të bëhet më mirë, por sot janë zhgënjyer’, deklaroi Braho.
