Mbrëmjen e së mërkurës një lokali në plazhin e Durrësit iu vu një sasi eksplozivi.
Lokali është në sektorin Teuta dhe është në pronësi të shtetasit M.S.
“Më datë 29.01.2020, rreth orës 21:00, në lagjen Nr 13, Plazh, në murin e jashtëm të një lokali,në pronësi të shtetasit M.S, i cili ishte i mbyllur, është vendosur dhe ka shpërthyer një sasi e vogël e dyshuar si lëndë plasëse, për pasojë ka vetëm dëme materiale”, njoftoi policia e Durrësit.
Lokali ndodhet në një pallat të pabanueshëm, të dëmtuar nga tërmeti. Në momentin e shpërthimit aty nuk ka pasur asnjë person.
Grupi hetimor ndodhet në vendngjarje dhe po punon për zbardhjen e rrethaneve të ngjarjes, identifikimin dhe kapjen e autorit/ve.
