Prej dy ditësh, kryeministri Edi Rama, ndodhet në Berlin, ku është takuar edhe me kancelaren gjermane, Angela Merkel.
Sipas informacioneve, raportohet se ky takim vjen në kuadër të Konferencës së Donantorëve, e cila do të mbahet më 17 shkurt në Bruksel.
Mirëpo, mesa duket ky takim do të sjellë edhe zhvillime të bujshme në aktualitetin politik në vend.
Burime konfidenciale për gazetën “Shekulli”, thanë se kryeministri Rama në 23 mars të këtij viti, do të shpallë zgjedhjet e parakohshme.
Të njëjtat burime bëjnë me dije se Rama i ka premtuar kancelares gjermane se pas miratimit më 15 mars të Reformës Zgjedhore, do të njoftojë zgjedhjet e parakohshme parlamentare këtë vit.
Referuar të njëjtave burime, pritet që zgjedhjet e parakohshme parlamentare të mbahen në tetor të këtij viti. /Shekulli
