Pas shoqërimit në polici të protestuesve të Aleancës Kuq e Zi krytari i tyre Kreshnik Spahiu ka hedhur akuza të rënda ndaj tre funksionarëve të qeverisë. “Ballën, Bushatin e Majkon i polli nëna pabuksa, partia i bëri milione” është shprehur Spahiu para komisariatit nr. 1. Spahiu i ka cilësuar antishqiptare deklaratat e bëra nga përfaqësues të Partisë Socialiste, përfshi këtu ministrin e Jashtëm, Ditmir Bushatin.
Sipas Spahiut, Balla, Bushati dhe Majko duan më shumë partinë sesa Shqipërinë, por dhe më shumë se nënën e tyre. “Ata u mbajtën me vënien e kyçit. Në dyert e ministrisë për të mos lejuar këtë ditëzi që të identifikojë Shoqërinë si parti. Ti mund të jesh ministër i jashtëm, por jo i gjithë shqiptarëve. PS përfaqësohet nga një frymë që identifikon partinë me Shqipërinë. Kur themi Lenini-kuptojmë parti dhe kur themi Pati-themi Rusia. Ata e kanë partinë jo më shumë se Shqipërinë, por dhe më shumë se nëna e tyre. Nëna e tyre i polli pabukës dhe nënë partia i bëri milioner. Të vish 3 orë nga Librazhdi dhe të vish me gomar, e të dalësh milionerë nëna parti është me e rëndësishme.”, tha Spahiu.
Nga ana tjetër, kreu i AK-së theksoi se nuk mundet kurrsesi ministri i Jashtëm të flasë para ambasadorëve e të deklaroi ‘Se partia dhe Shqipëria janë e njëjta gjë’. “Ndaj Kuq e Zi ndahet njëherë e përgjithmonë nga kjo parti që duhet të dilte jashtë e ligjit. Nga një parti që ka mbrojtur mbi shpatulla ministrin e Brendshëm, Gramoz Ruçin të Partisë Komuniste. Po ndërtohet partia shtet. Këtë njerëz duhen ndëshkuar dhe ti bashkohen rebelimit popullor. Askush nuk mundet, institucioneve shqiptare ti vendoset damka e indoktrinimit. Kur i pyeta Aktivistët ku po shkoni, tek Ballam, Ditmiri, apo Majko: Më thanë tek ‘Ditmir Bushati, nuk mëremi me Taulantin, e as me asnjë budalla të politikës shqiptare’. Partia dhe Shqipëria janë të njëjta tha mes ambasadorëve. Si mundet të durohet kjo fyerje? Del Majko, i cili ka një mbiemër serb, që del Bushati, që është nipi i komunistit, dhe Balla komunist që këndonte në kore. Askush nuk mund të rrijë në koalicion me ju.”, tha Spahiu.
Sakaq, ai u bëri thirrje të gjitha partive, pjesë e koalicionit maxhoritar që të dalin nga koalicioni. “Ndaj i bëj thirrje partive të maxhorancës të shkëputen nga koalicioni, shkatërrojeni e goditeni tani këtë qeveri antishqiptare. Kjo është vija e kuqe dhe ne ndahemi përfundimisht. Kështu nuk e mbajti dot as Enver Hoxha. Vjen dita që protestojmë kundër Edi Ramës, kundër këtyre fundërrinave të jashtëqitjes. Ju vendosni nënën parti, mbi nënën Shqipëri. Tashmë do keni çdo shuplakë, do ruheni se populli do jua kyç zyrën, do ju qëllojë me domate, vezë. Partinë mbajeni, por Shqipërinë jo. Mos guxoni që do keni një mandat tjetër, ndaj largohuni, ikni vetë, sepse do ju largojë populli ashtu siç nuk e mendoni. Mos guxoni të ndaloni aktivistët e AK-së dhe qytetarët shqiptarë, sepse duan që Shqipëria të jetë e para.”, përfundoi Spahiu.
Në Facebook:
Ndërkohë në rrjetin e tij Facebook kreu i Aleancës Kuq e Zi ka hedhur një foto të një bluze me shkrim “Shqipëria mbi partitë” me dicciturën: “NGA BURGU: Bluza me mbishkrimin “Shqipëria mbi partitë ”
14 aktiviste kuqezi ende te burgosur sepse i kyçën me zinxhirë dyert Ministrit tradhëtar Ditmir Bushati”
(Boldnews)
