Dëfrim Hakrama, një nga të arrestuarit si përgjegjës për vdekjen e 17-vjeçarit Ardit Gjoklaj ka mohuar prezencën e të ndjerit në Landfill duke deklaruar se ai nuk punonte aty.
Përgjegjësi i kompanisë “3 R” sh.p.k e cila është në pronësi të kreut të PS-së Peqin, ka tentuar të fsheh vdekjen e 17-vjeçarit duke dhënë dëshmi të rreme. Por punëtorët e tjerë kanë konfirmuar prezencën e Aditit në Landfill si punonjës i pa deklaruar i kësaj komanie. Firma “3 R” sh.p.k kishte marrë konçesionin e menaxhimit të mbetjeve në Sharrë nga Bashkia e Tiranës si autoriteti përgjegjës për këtë vend grumbullimi të mbetjeve.
Sipas dëshmisë së dhënë, pëgjegjësi Dëfrim Hakrama deklaroi se personi që u gjet i vdekur nuk ishte punëtor i tij, por nuk ka shpjeguar nëse i mungonte ndonjë nga punëtorët që ai kishte në përgjegjësi. Ky shtetas ka për detyrë të kontrollojë punën e punëtoreve, të drejtoj punëtorët, dhe proceset e punës. Pasi mbeturinat hidhen në kapanon, kalohen në transportier me fadromë dhe më pas bëhet seleksionimi i mbeturinave për t’u pastruar më pas.
Në lidhje me shtetasin Ardit Gjoklaj deklaroi se viktima kishte doreza me ngjyrë të kuqe, që dukej sikur ishte punëtor, por nuk ishte nga punonjësit e landfillit. Asnjë prej kaminonave që shkarkojnë mbeturina nuk nuk orientohen se ku duhet t’i hedhin, por ata shkarkojnë vetë ku te gjejne vend. Hakrama ka pretenduar se tek vendi ku u gjet viktima nuk ka punuar eskavatori, pasi sipas tij nuk e ka venë në punë transportierin e mbeturinave për shkak të motit të keq.
Por sipas dëshmive në vendin e ngjarjes rezulton se transportieri ka punuar deri në orën 03:00. I pyetur për prezencën e 17-vjeçarit në landfill, Hakrama ka deklaruar se në këtë vend nuk mund të futen persona të tjerë që nuk jane punonjës, pasi ka roje. Por roja K. G. ka deklaruar se Arditi ishte punonjës i landfillit. Ai e njihte 17-vjeçarin si punonjës të landfillit dhe konfirmoi se Arditi kishte hyrë aty rreth orës 23:00 bashkë me puntorët e tjerë.
Sipas dëshmisë së rojes rezulton se ka qenë pikërisht përgjegjësi Dëfrim Hakrama ai që ka rreshtuar punonjësit dhe pas rreshtimit i ka shpërndarë ata në vendet e punës, duke caktuar detyrat për gjithësecilin prej tyre. Përgjegjësi i Sharrës ka arritur deri aty sa ka deklaruar se trupi i pajetë i 17-vjeçarit ka ardhur aty bashkë me mbeturinat që sillnin kamionët. Por ky pretendim sipas prokurorisë është tërësisht i pa vërtetë, pasi e kundërshtojnë dëshmitë e tjera dhe provat e mbledhura në vendin e ngjarjes. Është konfirmuar tashmë se përgjegjësi ka urdhëruar 17-vjeçarin të punonte tek kanaçet rreth orës 03:30 kur ai është kthyer bashkë me një nga puntoret e landfillit.
