Dy 17-vjeçarë korçarë rezultojnë të zhdukur që prej paradites së së premtes, ndërsa familjarët e tyre kanë kërkuar ndihmën e policisë, pasi dyshojnë se janë mbytur në rezervuar.
Edhe pse pëlumbarët duhet të kishin rifilluar kërkimin mëngjesin e sotëm për dy adoleshentët, ende nuk kanë nisur kërkimet që prej ditës së djeshme.
Në një prononcim për News 24 babait i njërit prej adoleshendëve që dyshohet se është mbytyr në rezervuar ka akuzuar policinë për neglizhencë dhe mosveprim.
Kujtim Tahirllari me lot në sy bën apel në News24, që shteti të ndërhyjë me polumbarë për gjetjen e djemve të humbur.
“Asnjë polumbar nuk ka ardhur fare. Të kishte humbur nodnjë çupë në treg do kishin ardhur me vrap. Ne na thanë mbrëmë se nuk hyjnë dot polumbarët se është natë. Nesër që në mëngjes me të zbardhur dita polumbarët do jenë këtu. Ne prit ata, prit polumbarët hic. Tani na thonë se polumbarët kanë qenë në Vlorë, ja pritini sa të vijnë”.
I dëshpëruar ai tregon se, policia as nuk lejon t’i afrohen vendit të ngjarjes.
“Policia nuk na le të kërkojmë ne. Kanë bërë një gardh ata dhe nuk na lejojnë të kërkojmë ne.
Nuk është ndonjë sipërfaqe e madhe, 9 dynym vend është kjo kënetë. Tërë fshati ka vendosur të venë në punë motorpompën që të shohim cfarë do gjejmë. Policia tani, të kërkojmë ne nuk na le, të vemë motropompën nuk na le ta vemë në punë, të bëhem kamikaz tani, kaq më mbeti. Djali më dergjet aty. Rrofshin mediat se të presim prej këtyre, asnjë gjë nuk bëjnë. Shyqyr jeni ju që na ndihmoni”.
Mësohet se djemtë janë futur për tu larë në rezervuarin e fshatit Qatrom të Korçës, pasditen e djeshme, por askush nuk i ka parë të dalin prej andej.
“Kërkojmë të nisin menjëherë kërkimet”, thonë familjarët e alarmuar.
Rrobat dhe këpucët e dy të rinjve, të lëna pranë vendit të quajtur “Gropa e Danielit”, kanë përforcuar dyshimet se të rinjtë kanë humbur jetën në kënetë.
Sipas policisë së Korçës, dy të rinjtë e zhdukur janë Berti dhe Rei Tahillari, kushërinj me njëri-tjetrin.
Mësohet se djemtë janë futur për tu larë në rezervuarin e fshatit Qatrom të Korçës, pasditen e djeshme, por askush nuk i ka parë të dalin prej andej.
“Kërkojmë të nisin menjëherë kërkimet”, thonë familjarët e alarmuar.
Rrobat dhe këpucët e dy të rinjve, të lëna pranë vendit të quajtur “Gropa e Danielit”, kanë përforcuar dyshimet se të rinjtë kanë humbur jetën në kënetë.
Policia e Korçës ka nisur menjëherë kërkimet për dy djemtë, ndërsa po ndihmohet edhe nga banorë të zonës, të cilët kanë dalë në kërkim të 17-vjeçarëve.
